Serik Jumanǵarın EEK keńesiniń quramyna endi
NUR-SULTAN. QazAqparat - Serik Jumanǵarın Qazaqstannyń Eýrazııa ekonomıkalyq komıssııasy keńesindegi resmı ókili bolyp taǵaıyndaldy, dep habarlaıdy QazAqparat.
Bul jaıynda komıssııanyń resmı saıtynda jarııalandy.
«Eýrazııa ekonomıka komıssııasynyń keńesinde Qazaqstan atynan QR Premer-Mınıstriniń orynbasary – Saýda jáne ıntegratsııa mınıstriniń mindetterin atqarýshy Serik Jumanǵarın ókildik etedi» delingen málimette.
Tıisti resmı habarlama keshe Eýrazııa ekonomıkalyq komıssııasyna kelip túsken.
Eske sala keteıik, Serik Jumanǵarın taıaýda ǵana QR Premer-Mınıstriniń orynbasary – Saýda jáne ıntegratsııa mınıstriniń mindetterin atqarýshy bolyp taǵaıyndalǵan edi.
Ashyq kózderden alynǵan foto
