Serik Jumanǵarın EAEO aıasynda saýda erejelerin buzǵandar týraly aıtty
«Bizde «qolaıly ereje» ınstıtýty engizilgen. Birinshi kezekte normalardy buzǵan tarapqa kedergilerdi joıýǵa múmkindik beremiz. Eger de sol tarap bizdiń ýájben kelisse, onda is qozǵalmaıdy. Al eger qalyptasqan jaǵdaıdy durystamasa, tekserý sharalary júrgiziledi», - dedi S. Jumanǵarın «Atameken» UKP-da tilshilerge bergen suhbatynda.
Osy oraıda ol naqty mysalǵa toqtaldy.
«Qazirgi kezde biz bir is boıynsha tekserýdi aıaqtaýǵa jaqyndadyq. Qulaǵy nashar estıtin balalarǵa qajetti kohlearlyq apparattarǵa qatysty bolyp otyr. Atap aıtqanda, Eýrazııalyq ekonomıkalyq odaqtyń ishki naryǵyna apparattardy jetkizetin kompanııa naryqty ózara bóliske túsirgen. ıAǵnı qazaqstandyqtyń apparatty Reseıde baryp satyp alýǵa múmkindigi joq, ony qaıtadan Qazaqstanǵa keri qaıtarady. Nátıjesinde, qurylǵynyń baǵa aıyrmashylyǵy 2,5 esege deıin jetedi. Elimizde osy kohlearlyq apparattar úshin bıýdjet tóleıdi. Búginde tergeý sharalaryn aıaqtap qaldyq. Meniń oıymsha, apparat boıynsha shekteýlerdi joıyp, baǵany teńestiremiz», - dedi Serik Jumanǵarın.
Onyń atap ótýinshe, el turǵyndary úshin atalǵan qurylǵylarǵa qoljetimdik arta túsedi.
«Ekinshiden, osy sharalardyń arqasynda bıýdjetke de tıimdi bolady. Osy tektes tergeý amaldary bizde júrip jatyr», - dedi Serik Jumanǵarın.
Budan buryn habarlanǵandaı, EEK Alqa múshesi kásipkerler úshin biraz kedergiler bar ekenin jáne olardyń jartysy zańdy bolsa, jartysy zańsyz ekenin atap ótti.
«Zańsyz kedergilermen qalaı kúresýge bolady? Bul turǵyda aryz jazý kerek. Osy oraıda bul shaǵymdar qaralyp, komıssııaǵa shyǵarylady. Kedergi jasap otyrǵan memleketke qatysty sheshim qabyldanady. Bul sheshimdi olar úsh aıdyń ishinde oryndaýy tıis. Al oryndamasa, keńestiń qaraýyna usynamyz, másele joǵary deńgeıde talqylanady», - dedi S. Jumanǵarın.
