Serik Sydyqov Ortalyq saılaý komıssııasynyń múshesi qyzmetinen bosatyldy

NUR-SULTAN. QazAqparat – Senattyń jalpy otyrysynda QR Ortalyq saılaý komıssııasy múshesi Serik Sydyqovtyń ókilettigi toqtatylyp, qyzmetinen bosatyldy, dep habarlaıdy QazAqparat tilshisi.

«Senat taǵaıyndaǵan QR Ortalyq saılaý komıssııasy múshesiniń ókilettigin toqtatý jáne qyzmetinen bosatý týraly másele qaralady. Serik Slamjanuly Sydyqovtyń atynan Ortalyq saılaý komıssııasy múshesinen bosatý týraly ótinish kelip tústi. Reglament boıynsha bıýronyń sheshimimen bul máseleni Senattyń Konstıtýtsııalyq zańnama, sot júıesi jáne quqyq qorǵaý organdary komıteti aldyn ala talqylap, óz qorytyndysyn ázirledi», - dedi Senat tóraǵasy Máýlen Áshimbaev.

Osy oraıda sheshim ashyq daýys berý arqyly qabyldanyp, palata depýtattary bul sheshimge qoldaý bildirdi.

Eske sala keteıik, 2020 jyly sáýirde QR Ortalyq saılaý komıssııasynyń múshesi qyzmetine Serik Sydyqov bekitilgen edi.

Serik Slamjanuly Sydyqov 1962 jyly týǵan, joǵary zań bilimi bar. Óziniń eńbek jolyn 1 985 jyly Almaty qalasynda «Kazgıdrorybproekt» ınstıtýty kadr bóliminiń aǵa ınspektory retinde bastaǵan.