Serik Sultanǵalıev QR Kúres federatsııasynyń prezıdenti bolyp saılandy
ALMATY. 23 jeltoqsan. QazAqparat /Erlik Erjanuly/ - Keshe Almatyda QR Kúres federatsııasynyń aǵymdaǵy jyldyń qorytyndysyna arnalǵan respýblıkalyq konferentsııasy ótti.
Onda delegattar biraýyzdan Serik Sultanǵalıuly Sultanǵalıevti QR Kúres federatsııasynyń prezıdenti etip saılady. Buǵan deıin federatsııanyń burynǵy basshysy Abaı Sadyqov memlekettik qyzmetke aýysýyna baılanysty óz qyzmetinen bas tartqan bolatyn. Sondaı-aq konferentsııa kezinde áıelder kúresi komandasynyń bastyǵy Ǵalym Tátimbetov tóreshiler korpýsynyń tóraǵasy bolyp saılandy.
Serik Sultanalıuly 1953 jyly 17 sáýirde Almaty oblysy Raıymbek aýdanyndaǵy Jalańash aýylynda ómirge kelgen. 1977 jyly V. Lenın atyndaǵy Qazaq polıtehnıkalyq ınstıtýtyn bitirip, eńbek jolyn «Qazqalaqurylysjobasynda» sáýletshi bolyp bastady. Odan keıin 1991-1994 jyldary Almatyda qalalyq turǵyn-úı departamentinde jáne «Altyn-Alma» AQ-da laýazymdy qyzmetter atqardy. 1994-1995 jyldary qala ákiminiń 1-orynbasary, 1995-2004 jyldary «Aısel Qazaqstan» qurylys kompanııasynyń prezıdenti, 2005-2007 jyldary «QazTransGaz» AQ-nyń Bas dırektory, 2007-2009 jyldary «Jetisý» áleýmettik -kásipkerlik korporatsııasynda Basqarma tóraǵasy boldy. Sondaı-aq 2009 jyldan beri «QazTransGaz» AQ-nyń Bas dırektory.
