Serik Seıdýmanov Májilis depýtaty boldy
Bul týraly búgin Parlament Májilisiniń jalpy otyrysynda palata spıkeri Nurlan Nyǵmatýlın málim etti.
Seıdýmanov Serik Turaruly 1957 jyly 18 aqpanda Almaty qalasynda týǵan.
1979 jyly Máskeýdiń Hımııa mashına qurastyrý ınstıtýtyn támamdady.
1991 jyly Máskeýdiń Qoǵamdyq ǵylymdar akademııasyn bitirdi. Eńbek jolyn 1979 jyly Jańa Jambyl fosfor zaýytynda bastady.
QR Prezıdenti Ákimshiligi Aqparattyq-taldaý ortalyǵy basshysynyń orynbasary, Jastar, týrızm jáne sport vıtse-mınıstri, Bilim jáne mádenıet mınıstrligi úılestirý jáne qadaǵalaý departamentiniń dırektory, QR Parlamenti Apparaty Aqparattyq-taldaý ortalyǵynyń dırektory, Prezıdent Ákimshiligi ishki saıasat basqarmasy qoǵammen jáne baspasózben baılanys bóliminiń meńgerýshisi, Prezıdent Ákimshiligi áleýmettik-saıası bólim meńgerýshisiniń birinshi orynbasary qyzmetterin atqardy.
2006 jyldyń aqpanynan bastap Almaty qalasy ákiminiń orynbasary. Іshki saıasat, densaýlyq saqtaý, ıpoteka, bilim, mádenıet, tilderdi damytý, dene shynyqtyrý jáne sport, týrızm, jastar saıasaty, ulttyq mádenı ortalyqtar máselelerine jaýap berdi.
