Serik Sápıevpen tóbelese jazdaǵan sportshy oqýdan shyǵarylǵan joq - basqarma
ALMATY. QazAqparat - Qaznette sportshy Zelımhan Mýsıhanovtyń kolledjden shyǵarylǵany, al ata-anasynyń jumystan bosatylǵany týraly aqparat tarady. Buǵan 26 aqpanda Batyrball oıynynda álem chempıony, bokstan Olımpıada chempıony Serik Sápıevpen bolǵan janjal sebep bolǵan-mys. Stopfake resýrsy bul aqparatty joqqa shyǵardy, dep habarlaıdy QazAqparat.
Almaty qalasy sport basqarmasynyń málimetinshe, áleýmettik jelide taraǵan habar jalǵan.
«Zelımhan Mýsıhanovtyń kolledjden shyǵarylǵany týraly aqparat shyndyqqa janaspaıdy. Qazirgi ýaqytta ol 4-kýrsta oqıdy, oqý praktıkasynan ótip jatyr. Oqý barysynda ol ózin jaqsy qyrynan kórsetti. Qazaqstan – quqyqtyq memleket, oqıǵa saldarynan týystaryn jumystan bosatqany týraly aqparat ta jalǵan. Esterińizge sala keteıik, zańnamada jalǵan aqparat taratqany úshin jaýapkershilik qarastyrylǵan. Sondaı-aq basqa sportshylardy kásibı qyzmetke basa nazar aýdarýǵa jáne saladaǵy áriptesterine qatysty jalǵan aqparat taratýdy toqtatýǵa shaqyramyz», – dep habarlady vedomstvodan.
Eske sala keteıik, aqpan aıynda Serik Sápıev Almatyda ótken týrnırde qarsylasymen tóbelese jazdaǵan edi.
Naiza 49 týrnırindegi Batyrball oıyny kezinde Sever-Yug komandasynyń múshesi qoldanǵan kúrestiń tásili Sápıevke boksshyǵa unamady. Sóıtip aıaq astynan ekeýiniń arasynda janjal bastalyp ketti.
Oqıǵadan keıin Zelımhan Mýsıhanov kópshilik aldynda Serik Sápıevten keshirim surady. Keıin olar qol alysyp, tatýlasty.
