Serik Sápıev júldesine arnalǵan boks jarysynda aqmolalyqtar 5 medal ıelendi

KÓKShETAÝ. QazAqparat – Aqmola oblysynyń bylǵary qolǵap sheberleri bokstan aımaqtyq chempıonatta bir altyn, eki kúmis jáne úsh qola medal ıelendi, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.

Vedomstvonyń málimetinshe, Qaraǵandy qalasynda 2004-2005 jylǵy jasósipirimder arasynda bokstan aımaqtyq (Soltústik-Shyǵys) QR Chempıonaty ótip, HHH Olımpıada oıyndarynyń chempıony, «Vela Barker» kýboginiń ıegeri, QR Eńbegi sińgen jattyqtyrýshysy Serik Sápıevtiń júldesi sarapqa salyndy.

Jarysqa Aqmola oblysynyń Jaqsy, Zerendi, Atbasar aýdandary men Kókshetaý, Stepnogor, Şýche qalalarynan bylǵary qolǵap sheberleri qatysty.

«Jarys qorytyndysy boıynsha Álı Rahymjanov (52 kg) chempıon atansa, Baqytkeldi Amanjolov (+80 kg) ekinshi, Rashıd Eskendirov (48 kg), Maǵjan Álimov (50 kg) jáne Rınat Ospanov (54 kg) úshinshi oryn ıelendi. Sonymen qatar, Vıktor Lıtvınov, Batyrhan Seıtenov, Şyńǵys Mýsınov, Egor Egorov jáne Sultan Hamıtov elimizdiń basty jarysyna qatysýǵa beriletin lıtsenzııany utyp aldy», deıdi vedomstvodan.

Jalpy, aqmolalyq 10 boksshy keler jyldyń qańtar aıynda Taldyqorǵan qalasynda ótetin bokstan QR Chempıonatynda óner kórsetedi.