Serik Sápıev jaıly fılm halyqaralyq kınofestıvaldiń jeńimpazy atandy
ASTANA. QazAqparat - «Serik Sápıev. Olımpıadaǵa jol» atty derekti fılm XII halyqaralyq kınofestıvaldiń «"Naǵyz batyr»" atalymy boıynsha jeńimpaz atandy, dep habarlaıdy Qazaqstan boks federatsııasynyń resmı saıty.
Shyǵarmanyń basty keıipkeri Serik Sápıevti jáne Olımpıada jeńimpazy, álemniń eki dúrkin chempıony jaıly túsirilgen fılmniń avtory ári prodıýseri Olga Sapojnıkovany 2 sáýir kúni, Mákeýde bolǵan marapattaý rásimi kezinde festıvaldiń qurmetti prezıdenti Irına Rodnına quttyqtady. Al ádilqazylar alqasynyń tóraǵasy, belgili akter Evgenıı Gerasımov Seriktiń sportqa sińirgen eńbegin atap óte kele, bul týyndyny eldiń barlyq mektepterinde kórsetý qajet ekendigin aıtty. Eske sala keter jaıt, aǵymdaǵy jylǵy osynaý iri sporttyq kıno janryndaǵy TMD jáne Eýropa elderiniń forýmyna 23 memleketten alty atalym boıynsha 77 derekti jáne kórkem lentalar usynylǵan.
