Serik Sápıev pen Vasılıı Levıt Astana balalaryn Jańa jylmen quttyqtady (FOTO)
ASTANA. QazAqparat - Astanadaǵy oıyn-saýyq ortalyqtarynyń birinde balalar merekesi ótip, oǵan qonaqqa Olımpıada chempıony, «Astana Arlans» klýbynyń bas dırektory Serik Sápıev pen Azııanyń eki dúrkin chempıony, Qazaqstan quramasynyń boksshysy Vasılıı Levıt keldi.
Tanymal sportshylar elorda balalaryn kele jatqan Jańa jyl merekesimen quttyqtap, árqaısyna Qazaqstan boks federatsııasynan syılyq tabystady. Olarǵa Aıaz ata men Aqshaqar kómektesti, dep habarlady Qazaqstan boks federatsııasynyń baspasóz qyzmetinen.
«Balalar - elimizdiń bolashaǵy. Osyndaı sharalarǵa qýana qatysamyn. Jańa jyl men syılyqtardy taǵatsyzdana kútip júrgen balalardyń qýanyshty kózderin kórgen qýantady. Barlyqtaryńyzdy Jańa jylmen quttyqtaımyn!» - dedi Serik Sápıev.
Vasılıı Levıt balalarǵa eresekterdiń tilin alyp, sabaqty jaqsy oqý, sportpen aınalysý tilegin bildirdi. Balalar túrli baıqaýlar men vıktorınalarǵa qatysty, eń belsendileri arnaıy syılyqtar aldy. Sharanyń sońynda olar boksshylarmen, Aıaz ata men Aqshaqarmen sýretke tústi.
