Serik Sápıev: Ózbek boksshylarymen kezdesý ońaı bolmaıdy
ASTANA. QazAqparat - 27 aqpanda Tashkentte «Astana Arlans» boks klýby «Uzbek Tigers» komandasymen kezdesedi. Qazaqstandyq klýbtyń bas dırektory Serik Sápıev jekpe-jek aldynda suraqtarǵa jaýap berdi, dep jazady «Sports.kz» portaly.
«Bizdiń boksshylar Ózbekstanǵa bardy. Barlyǵy jaqsy, komanda daıyn. Aldaǵy jekpe-jekterde jeńiske jetemiz dep úmittenemiz. Kúrdeli kezdesý bolady dep daıyndaldyq. Ózbekstandyq boksshylar Álem chempıonatynda ózderin judyryqtaı jumylǵan, myqty qurama retinde kórsetti. Olardyń myqty jaqtaryn bilemiz. Jaqsy daıyndaldyq. Endigisi sharshy alańda belgili bolady. Qazaqstan jankúıerin qýantamyz dep úmittenemiz.
«Uzbek Tigers» komandasyna qarsy bizdiń quramanyń quramy belgili.
Tashkentte sharshy alańǵa bizdiń klýbtan Temirtas Júsipov, Meıirbolat Toıtov, Ashat Ýálıhanov, Meıirim Nursultanov jáne Erkin Muhamedjan qatysady.
