Serik Sápıev obyrdy jeńgen qaraǵandylyqpen kezdesti
QARAǴANDY. QazAqparat - Bokstan Olımpıada chempıony Serik Sápıev Qaraǵandynyń birneshe jyl boıy obyrmen alysqan 18 jastaǵy turǵynynyń armanyn oryndap, oǵan qonaqqa keldi, dep habarlaıdy «QazAqparat» HAA tilshisi.
Jas jigit Nıkolaı Chasovskıh kópten beri óz kýmırimen kezdesýdi armandaýshy edi. Volonterlar onkologııalyq aýrýdy jeńgen jankúıerdiń habaryn Qaraǵandy oblysy ákiminiń orynbasary Almas Aıdarovqa jetkizdi. Ol Serik Sápıevke habarlasyp, jankúıermen izgi kezdesýdi uıymdastyrý jaǵyn keńesti. Uzaq ýaqyt boıy qaterli aýrýmen kúresip, túbinde jeńiske jetken jerlesi jaıly estigen májilismen Sápıev ýaqyt taýyp, Nıkolaıdyń úıine qonaqqa keldi.
Sápıev jankúıerine quralaqan kelmeı, gıroskýter syıǵa tartty. Ol Nıkolaıǵa joǵary oqý ornyna túsip, táýir mamandyq ıesi ataný jospary álbette oryndalatynyna sendirdi. Chempıon Nıkolaıdyń erekshe jigerli ekenin aıtyp, dıagnozyn bilgen boıda taǵdyr qıyndyǵyna únsiz baǵynbaı, ómir úshin kúreskenine alǵys bildirdi.
«Balamnyń armany oryndaldy. Nıkolaı qurmet tutatyn Serik Sápıevpen kezdesti. Bul kezdesý balamdy jigerlendire tústi», - deıdi Nıkolaıdyń anasy.
29 qańtarda jas jigit 18-ge tolady.
