Serik Sápıev memlekettik qyzmette qalady

ASTANA. QazAqparat - QR Parlament Májilisiniń depýtattary Serik Sápıevtiń ókilettiligin merziminen buryn toqtatty, dep xabarlaıdy QazAqparat tilshisi.

Májilis spıkeri Nurlan Nyǵmatýllınniń sózine qaraǵanda, S.Sápıev óziniń eńbek jolyn memlekettik qyzmette jalǵastyra beredi.

«Qurmetti Serik Jumanǵalıuly, osy bizdiń Parlamentte birlesip atqarǵan jumystaryńyz úshin alǵysymyzdy bildiremiz. Barlyq depýtattyq korpýstyń atynan aldaǵy ýaqytta da jańa qyzmette - memlekettik jumysta tek qana sáttilik jáne tabys tileımiz», - dedi N.Nyǵmatýlın.

Aıta keteıik, QR Parlament Májilisiniń búgingi plenarlyq otyrysynda depýtat Serik Sápıevtiń ókilettiligin merziminen buryn toqtatý týraly sheshim qabyldap, onyń depýtattyqtan ketkeni týraly habarlaǵan bolatynbyz.