Serik Sápıev: Londonda «Astana Arlans» úshin qıyn bolady, aǵylshyndar olımpıada júldegerlerin qosýy múmkin
ASTANA. QazAqparat - «Astana Arlans» kásibı boks klýbynyń bas dırektory, London olımpıadasynyń chempıony Serik Sápıev búkilálemdik boks serııasyndaǵy (WSB) jartylaı fınaldaǵy «Brıtısh Laınhartske» (British Lionhearts) qarsy kezdesýdegi óz komandasynyń múmkindikterin baǵalady, dep habarlady Vesti.kz.
Kezdesý 26-27 mamyrda Londonda ótedi. Sápıevtiń sózine qaraǵanda, qazaqstandyqtar úshin qıyn bolady, óıtkeni aǵylshyndar olımpıada júldegerlerin tartýy múmkin.
- Aǵylshyndarmen kezdesetin sportshylardyń barlyǵy derlikteı tańdaldy, alaıda esimderin ázirge atamaımyn, - dedi Sápıev. - Londonda ońaı bolmaıtynyn birden aıtaıyn.
- Múmkindikti qalaı baǵalaı alasyz?
- Kezdesýler Ulybrıtanııada ótetinin eskerip, múmkindigimizdi 50/50 qylyp baǵalaımyn. Aǵylshyndar olımpıada júldegerlerin jumyldyrýy múmkin. Bizdiń boksshylar da lıderler, alaıda bul joly bizge qıyn bolady.
- Osyǵan deıin «Astana Arlans» aǵylshyndarmen kezdesti me?
- Iá, «Astana Arlans» 2013 jyly aǵylshyndardan jeńildi.
Komanda myqty, onda Eýropa chempıondary, Olımpıada oıyndaryna qatysýshylar bar. Aldymyzda kúrdeli syn turǵanyn túsinemiz, alaıda jigitter jaqsy jetistikterge umtylady, - dedi Sápıev.
