Serik Sápıev qazaqstandyqtardyń tatýlyǵyn jumylǵan judyryqqa teńedi
«Bizdiń elimizde Patrıottar forýmyn ótkizip, batyrlarymyzdy qurmetke bóleý úlken dástúrge aınaldy. «Máńgilik El» ıdeıasy birlikke, otansúıgishtikke úndeıtin jol. Bizdiń Prezıdent halyqty uıystyryp, ultaralyq arazdyqtardyń bolmaýyna kúsh salýy beker emes. Men, máselen, tatýlyqty bokspen salystyra alamyn. Bes saýsaq bes jaqqa bólinse - osaldyq, jumylsa - kúsh, birlik. Eger birlik bolmasa, jetistik bolmaıdy. Barlyǵyna jetistik tileımin, bizdiń árbir azamatymyz el ıgiligi úshin qyzmet etse, óz-ózin damytsa, sportpen shuǵyldansa deımin», - dedi S.Sápıev.
Onyń atap kórsetkenindeı qazaqstanda jastardyń otansúıgishtigin damytýǵa úlken ister jasalýda.
«Bizde «Jas Otan», «Jas keńes», Qazaqstan jastary kongresi» syndy uıymdar bar, ondaǵy belsendi de jetistikke jetken jastar óz qatarlaryna áli olar sııaqty kórsetkishterge jetpegen jastardy tartýmen aınalysady. Osylaısha memleket jas býynǵa qamqorlyq jasap keledi, sonyń arqasynda alǵa jyljyp kelemiz», - dep túıdi sózin boksshy.
