Serik Sápıev Qazaqstan halqyna ant berdi
ASTANA. QazAqparat - Búgin Parlament Májilisiniń jalpy otyrysynda Serik Sápıev pen Albert Raý Qazaqstan halqyna ant berdi, dep habarlaıdy QazAqparat.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men Táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin!» - dedi ant bergen depýtattar.
Esterińizge sala keteıik, 2017 jyldyń aqpanynda Olımpıada chempıony Serik Sápıev Parlament Májilisiniń depýtaty boldy .
Sonymen qatar naýryz aıynda QR Ortalyq saılaý komıssııasy otyrysy barysynda «Nur Otan» partııasynyń múshesi Albert Pavlovıch Raýdy Qazaqstan Respýblıkasy Parlamenti Májilisiniń depýtaty etip tirkeý týraly sheshim qabyldady.
Osyǵan deıin Albert Raý QR Investıtsııalar jáne damý birinshi vıtse-mınıstri qyzmetin atqarǵan edi.
Budan buryn habarlanǵandaı, 4 qyrkúıekte Parlament Senatynyń jańadan saılanǵan depýtattary Qazaqstan halqyna ant bergen bolatyn.
