Serik Sápıev «Hrýstalnyı kolos» qysqy Spartakıadasynyń ashylýyna qatysty - Aqmola oblysy
KÓKShETAÝ. QazAqparat – Aqmola oblysynyń Zerendi aýdanynda 34-shi «Hrýstalnyı kolos» qysqy Spartakıadasynyń ashylýy bolyp ótti, dep habarlaıdy QazAqparat tilshisi.
Aýdan ákimdiginiń málimeti boıynsha, spartakıadaǵa oblystyń 17 aýdanynan, Kókshetaý jáne Stepnogorsk qalalarynan kelgen sportshylar qatysty.
Sharaǵa jınalǵandarǵa Aqmola oblysy ákiminiń orynbasary Qanat Ydyrysov, Qazaqstan Respýblıkasy Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev quttyqtaý sózderin joldady.
Spartakıadanyń alaýyn oblystyq, respýblıkalyq jarystarda Zerendi aýdanynyń atyn shyǵaryn júrgen Elmıra Mutaǵarova, Shákerhan Dıas jáne Janjigit Demeýsin jaqty.
Spartakıadanyń ashylý saltanaty kontserttik nómirler, faer-shoý jáne merekelik ot-shashýǵa ulasty.
Jarystyń alǵashqy kúni aqmolalyq sportshylardy qoldaý maqsatynda Serik Sápıev 2020 metr qashyqtyqty shańǵymen júrip ótti.
