Serik Kúdebaevtyń soty tórtinshi ret keıinge shegerildi

TALDYQORǴAN. QazAqparat – Almaty oblystyq Polıtsııa departamentiniń burynǵy basshysy Serik Kúdebaevqa qatysty sot otyrysy keıinge shegerildi, dep habarlaıdy QazAqparat tilshisi.

Buǵan deıin 10 naýryzda general-maıor Kúdebaevqa qatysty úkim shyǵarylýy kerek edi. Alaıda onyń syrqatyna baılanysty sot otyrysy keıinge shegerildi. Dál osy sebeppen 16 naýryz kúni de sot otyrysy ótken joq edi.

Osydan keıin úkim taǵy 2 ret, ıaǵnı, 20 jáne 27 naýryzǵa aýystyrylǵan bolatyn. Búgin sot otyrysy qaıtadan ótpeıtini belgili boldy.

Eske salsaq, prokýror sýdıadan Serik Kúdebaevqa 9 jyl bas bostandyǵynan aıyrý jazasyn taǵaıyndaýdy suraǵan bolatyn.

Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.

Ol 2020 jyldan bastap 2022 jyldyń qańtaryna deıin Almaty oblysy polıtsııa departamentiniń bastyǵy qyzmetin atqarǵan. 2022 jyldyń 18 aqpanynda ol ishki ister organdarynan óz erkimen ketken bolatyn