Serik Kúdebaevty sotqa májbúrli túrde jetkizedi

TALDYQORǴAN. QazAqparat - Búgin, ıaǵnı 30-naýryzda saǵat 11:00 de Serik Kúdebaevqa qatysty sot protsessi ótýi tıis bolǵan. Biraq aıyptalýshy sotqa kelmedi, - dep habarlaıdy QazAqparat tilshisi.

Osy jaıtqa baılanysty sýdıa Serik Kúdebaevty sotqa májbúrli túrde jetkizý jóninde qaýly shyǵardy.

«QR QPK 157 jáne 335 tarmaqtaryna sáıkes Serik Kúdebaevty protseske májbúrli túrde jetkizý jóninde qaýly qabyldandy. Kelesi sot otyrysy 3-sáýir saǵat 10:00 ge belgilendi»,- delingen Jetisý oblystyq sotynyń baspasóz qyzmetiniń habarlamasynda.

Eske salaıyq, Taldyqorǵandaǵy Jetisý oblystyq sotynda Serik Kúdebaevqa qatysty sot 2023 jyldyń 5-qańtarda bastaldy.

Buǵan deıin Serik Kúdebaevtyń aýrýhanaǵa túskeni týraly jazǵan edik.

Aıta keteıik, prokýror sýdıadan Serik Kúdebaevqa 9 jyl bas bostandyǵynan aıyrý jazasyn taǵaıyndaýdy suraǵan bolatyn.

Almaty oblysy polıtsııa departamentiniń burynǵy bastyǵy Serik Kúdebaevtyń soty qańtar aıynda bastalǵan.

Buǵan deıin Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.

Ol 2020 jyldan bastap 2022 jyldyń qańtaryna deıin Almaty oblysy polıtsııa departamentiniń bastyǵy qyzmetin atqarǵan.

2022 jyldyń 18 aqpanynda ol ishki ister organdarynan óz erkimen bosatyldy.