Serik Kúdebaev aýrýhanaǵa tústi: sot keıinge shegerildi

TALDYQORǴAN. QazAqparat - Almaty oblystyq Polıtsııa departamentiniń burynǵy basshysy Serik Kúdebaevqa qatysty sot otyrysy keıinge shegerildi, dep habarlaıdy QazAqparat tilshisi.

Jetisý oblystyq sotynyń resmı ókili Nursultan Orynbasarov aıyptalýshynyń aýrýhanaǵa túsip qalýyna baılanysty sot otyrysy keıinge qalǵanyn málimdedi.
Buǵan deıingi sot otyrysynda prokýror sýdıadan Serik Kúdebaevqa 9 jyl bas bostandyǵynan aıyrý jazasyn taǵaıyndaýdy suraǵan edi.
Aıta keteıik, Almaty oblysy polıtsııa departamentiniń burynǵy bastyǵy Serik Kúdebaevtyń soty qańtar aıynda bastalǵan bolatyn.
Eske salsaq, Almaty oblystyq polıtsııa departamentiniń burynǵy basshysy Serik Kúdebaev qańtar oqıǵasy boıynsha kúdikti dep tanylǵan edi.
Ol 2020 jyldan bastap 2022 jyldyń qańtaryna deıin Almaty oblysy polıtsııa departamentiniń bastyǵy qyzmetin atqarǵan.
2022 jyldyń 18 aqpanynda ol ishki ister organdarynan óz erkimen bosatyldy.