Serik Qonaqbaev Sporttyq arbıtrajdyq sotqa júginbek
Serik Qonaqbaevtyń mundaı qadamǵa barýynyń sebebi - AIBA saılaý komıssııasynyń uıym prezıdenttigine ony qatysý quqyǵynan aıyrý týraly sheshimi bolyp otyr.
Serik Qonaqbaevtyń aıtýynsha, saılaý komıssııasynyń shettetý týraly sheshiminiń sebebi mynada: dúısenbi kúni, 24 qyrkúıekte onyń paıdasy úshin AIBA shtab-páterine jetkizilgen nomınatsııalardyń formalary eseptelmeı qalǵan. Óıtkeni, eń sońǵy merzim 23 qyrkúıek kúni bolyp bekitilip ketken.
Shveıtsarııanyń zańnamasyna sáıkes, 23 qyrkúıek, ıaǵnı jeksenbi jumys kúni bolyp eseptelmegendikten, sońǵy kún dúısenbi bolýy kerek bolǵan.
«Meniń prezıdenttik kandıdattardyń sońǵy tizimine enbeı qalǵanym tańǵaldyrady. Meniń oıymsha, bizdiń sporttyń múddesi úshin básekeli saılaý ótkizý kerek. AIBA federatsııasynyń músheleri ózderi tilegen kóshbasshysyn tańdap alýy tıis», - dedi Qonaqbaev.
Aıta ketsek, Halyqaralyq Olımpıada komıtetiniń atqarýshy prezıdenti Tomas Bah Býenos-Aıreste ótken otyrysta AIBA basshylyǵynyń ádilettiligine qatty alańdaıtynyn aıtqan edi. HOK basshysy Halyqaralyq olımpıadalyq sport túri retinde AIBA-ny mártebesinen aıyrý yqtımaldylyǵy týraly da aıtyp ótti. Bul degenińiz Olımpıada oıyndarynda AIBA boksshylar saıysyn aldaǵy ýaqytta ótkize almaıdy degendi bildiredi.