Serik Qonaqbaev: Gena óz múmkindiginiń eń bıik shyńynda tur
ASTANA. QazAqparat - Dańqty qazaqstandyq boksshy Serik Qonaqbaev WBA, IBO men WBC (Interim) chempıony Gennadıı Golovkın men Martın Mıýrreı arasyndaǵy jekpe-jekke qatysty oılarymen bólisti.
«Golovkın bul kezdesýde jaqsy múmkindikke ıe. Menińshe ol jeńedi. Másele tek qaı raýndta - úshinshi, tórtinshi álde besinshi. Mıýrreı óte tózimdi boksshy, sońyna deıin turatyn jigit. Gena shynymen óz múmkindiginiń eń bıik shyńyna jetti, óte keremet, tamasha boks kórsetýde», - dedi Qonaqbaev.
1980 jylǵy Máskeý olımpıadasynyń kúmis júldegeri Golovkın qarsylasyn 2-4 raýndtarda sulatady dep topshylap otyr. «Degenmen mende kúmán bar, sebebi brıtandyq boksshy budan kóbirek shydaýy yqtımal», - dep túıdi sózin S. Qonaqbaev.
