Serik Qonaqbaev bastaǵan birqatar tanymal tulǵalar Lılııa Rah úshin kepil etti
ALMATY. QazAqparat - Serik Qonaqbaev, Darıa Klebanova, Jámılá Aıymbetova-Toqmadı Lılııa Rahtyń kinásizdigine kepil beretinderin aıtty.
Bul týraly osy ýaqytta Almaty qalasy Almaly aýdandyq sotynda ótip jatqan Lılııa Rahtyń isine qatysty aldyn ala sot tyńdaýy barysynda atalmysh aıyptalýshynyń advokaty Gaýhar Sálimbaeva málim etti, dep habarlaıdy QazAqparat tilshisi.
«Qylmystyq-protsessýaldyq kodekske sáıkes, qamaýǵa alýdy kepildik qoıý, eshqaıda ketpeý týraly qolhatpen almastyrýǵa bolady. Nemese úıqamaqqa aýystyrý qarastyrylǵan. Bul jerde eshqaıda ketpeý týraly qolhatqa negiz joq dep oılaımyz. Sondyqtan kepildikpen bosatý nemese úıqamaqqa aýystyrýdy durys dep esepteımiz», - dedi advokat.
Eske salaıyq, Almatylyq sánger Lılııa Rahtyń ustalǵany buǵan deıin habarlanǵan bolatyn. Ol adam urlady dep aıyptalýda.
L.Rahqa qatysty qylmystyq is 28 qyrkúıekte Almaly aýdandyq sotyna tústi.
Buǵan deıin habarlanǵandaı, 2016 jyldyń 9 shildesinde 33 jastaǵy Ózbekstan azamatynyń joǵalyp ketkendigi týraly polıtsııaǵa aryz túsken.
Keshendi tekserý sharalary barysynda aıyptalýshylardyń Ózbekstan azamatyn urlap, qaladaǵy jaldamaly páterlerdiń birinde qamaýda ustaǵyny anyqtaldy. Polıtsııa qyzmetkerleriniń jedel áreketiniń arqasynda jábirlenýshi qamalǵan meken jaı anyqtalyp, ol aman-esen bostandyqqa shyǵarylǵan edi. Osy iske qatysy bar degen kúdikpen tórt adam ustaldy. Olar: Lılııa Rah, Mırı Paz, Islam Mesırov jáne Bahyt Shalbaev.
Lılııa Rah, 1962 jyly týǵan. Baıer, Sauvage býtıginiń jáne «lıýks» dárejeli birneshe dúken ıesi.
Sondaı-aq búgingi aldyn ala sot tyńdaýynda Hamro Sývanovtyń advokaty jábirlenýshi Lılııa Rahpen bitimge kelgenin aıtyp, ony qylmystyq jaýapkershilikten bosatýdy suraǵan edi.
Kelesi sot otyrysy 18 qazan saǵat 10:00-ge taǵaıyndaldy.
