Serik Qonaqbaev AІVA prezıdenti bolýy múmkin

ASTANA. QazAqparat -  Sporttyq arbıtraj soty (CAS) Qazaqstan ókili Serik Qonaqbaevqa Halyqaralyq boks qaýymdastyǵynyń basshysy bolýy úshin saılaýaldy naýqanyn júrgizýine ruqsat berdi. Onyń kandıdatýrasy boıynsha naqty sheshim 30 qazan kúni qabyldanady. Bul týraly Inside The Games portaly habarlady.

Buryn Qonaqbaev ulttyq federatsııalardyń jetkilikti mólsherdegi qoldaý hatyn jınaı almaǵandyqtan, AІVA basshysy laýazymyna úmitker retinde tirkelmegen bolatyn. Al saılaý jarysynda jalǵyz kandıdat - uıymnyń prezıdenti mindetin atqarýshy ózbekstandyq Ǵafýr Rahımov qalǵan.

«Tyńdalym saılaý kúnine tym jaqyn bolǵandyqtan, maǵan saılaý naýqanyn júrgizýime ruqsat etildi», - deıdi Qonaqbaev.

Halyqaralyq Olımpıada komıteti (HOK) aqpannan beri AІVA-ǵa qatysty tekseris júrgizip jatyr. HOK AІVA-nyń basqarý, qarjy jáne dopıngke qarsy kúres jónindegi baıandamalaryna qanaǵattanbaǵan bolatyn. Sodan keıin AІVA-nyń burynǵy basshysy Chıng-Kýo Vý otstavkaǵa ketip, uıymnyń basshysy mindetin Ǵafýr Rahımov atqaryp kelgen.

AІVA prezıdenti saılaýy uıymnyń 2-3 qarasha kúnderi Máskeýde bolatyn kongresi aıasynda ótedi.