Serik Qonaqbaev AIBA vıtse-prezıdenti jáne Azııa boks konfederatsııasynyń prezıdenti bolyp saılandy
ASTANA. QazAqparat - Búgin Koreıanyń Chedjý qalasynda AIBA Kongresinde Halyqaralyq boks qaýymdastyǵynyń basshy quramyn saılaý ótip jatyr, dep habarlady Qazaqstandyq boks federatsııasynyń baspasóz qyzmeti.
«Azııa qurlyǵy atynan AIBA vıtse-prezıdenti laýazymyna Halyqaralyq qaýymdastyqtyń atqarý komıtetiniń múshesi Qazaqstandyq boks federatsııasynyń tóreshiler korpýsymen jumys jónindegi vıtse-prezıdenti Serik Qonaqbaev usynyldy. Otandyq sporttyń maıtalmany óziniń sporttyq mansabynda kezekti jeńiske jetti, álemdik boks jurtshylyǵy bizdiń otandastasymyzdyń kandıdatýrasyna qoldaý kórsetip, oǵan AIBA vıtse-prezıdenti jáne Azııa boks konfederatsııasynyń prezıdenti qyzmetterine senim kórsetti», - delingen Qazaqstandyq boks federatsııasynyń habarlamasynda.
Kongreske (13-14 qarasha) barlyq 198 ulttyq fderatsııalardyń ókilderi qatysýda.
Serik Qonaqbaev - HHІІ Jazǵy olımpıadalyq oıyndardyń kúmis júldegeri, Eýropa chempıony (1979, 1981 jyldary), Álem chemıonatynyń kúmis júldegeri (1982 j.), Álem Kýbogynyń jeńimpazy (1979, 1981 jj.), KSRO-nyń úsh márte chempıony, KSRO eńbek sińirgen sport sheberi. 2010 jyldan Qazaqstandyq boks federatsııasynyń vıtse prezıdenti.
