Serik Qonaqbaev AIBA saılaýynda ózine qoldaý bildirgen azamattarǵa alǵys aıtty
«Daýys berý nátıjesi meni tańqaldyrdy. Dese de men sportty qoldaýshylardyń biri bolyp qalamyn jáne búkil álem boıynsha boksshylardyń olımpıadalyq armandary oryndalýy úshin, jalpy olımpıadalyq bokstyń bolashaǵy úshin kúresimdi jalǵastyra beremin»,-dedi Serik Qonaqbaev daýys berý nátıjeleri jarııa etilgen soń.
«Meniń naýqan barysynda aıtqanymdaı, bul boksty qutqarýǵa baǵyttalǵan reformalardyń sońy emes, kerisinshe basy. Biz kúresti toqtatpaımyz. Birinshi raýnd aıaqtaldy, ekindi ekinshisi bastalady. Maǵan qoldaý birdirgender azamattardyń barlyǵyna alǵys aıtamyn, ásirese qazaqstandyqtarǵa! Biz barlyǵymyz birge boksty áli uly sport túrine aınaldyramyz!»-dedi ol.
Aıta keteıik, Serik Qonaqbaev saılaýda 48 daýys jınady. Onyń qarsylasy ózbekstandyq Gafýr Rahımov 134 daýystyń 86-syn jınady. Osylaısha, ol 2022 jylǵa deıin AIBA uıymyn basqarý quqyǵyna ıe boldy. Gafýr Rahımov uıymdy osy ýaqytqa deıin basqaryp, sybaılas jemqorlyq áreketterine jáne qarjylyq zańbuzýshylyqtarǵa baılanysty qyzmetinen shettetilgen Taıbeı ókili Chıng-Kýo Vý-dyń ornyn basty.
Osyǵan deıin Serik Qonaqbaevtyń AIBA prezıdenttigine úmitkerlerdiń tizimine engizilgendigi habarlanǵan bolatyn.
Endi álem boksshylary atalmysh sport túriniń bolashaǵy qandaı bolatynyn jáne ózderi eki jyldan soń Tokıoda ótetin Olımpıadada óner kórsete alady ma degen saýalǵa jaýapty asyǵa kútetin bolady.