Serik Aprymovtyń «Baýyr» fılmi Venetsııa kınofestıvaliniń «Kókjıekter» baıqaý baǵdarlamasyna endi
ALMATY. 26 shilde. QazAqparat - Serik Aprymovtyń «Baýyr» fılmi tamyzdyń 28-i men qyrkúıektiń 7-si aralyǵynda ótetin 70-shi Venetsııa kınofestıvaliniń «Kókjıekter» baıqaý baǵdarlamasyna iriktelip alyndy. «A» klasyndaǵy eń iri jáne bedeldi festıvalderdiń biri sanalatyn Venetsııa kınofestıvaliniń negizgi baıqaýyna 20 kınotýyndy qatyspaq.
Olardyń ishinde Haıao Mııadzakıdiń «Jel kúsheıdi» anımatsııalyq fılmi, «Zero teoremasy» trılleri, Djeıms Frankonyń «Táńirdiń balasy» áleýmettik dramasy, Ksave Dolanyń «Tom fermada júr», Djon Kerranyń «Soqpaqtar», Stıven Frırzdiń «Fılomena», Djonatan Gleızerdiń «Meniń ornymda bolsań», Kellı Rıchardtyń «Túngi qımyldary» bar. Al álemdik kınematograftyń jańa úrdisterin beıneleıtin «Kókjıekter» baıqaýyna iriktelgen 31 kartınanyń qataryna AQSh-tyń «Palo-Alto», Italııanyń «Natıýrmort», Frantsııanyń «Batys jigitterimen» birge Qazaqstannyń «Baýyry» enip otyr. Oǵan amerıkalyq rejısser jáne stsenarıst Pol Shreder bastaǵan qazylar alqasy tórelik jasaıdy. Sh. Aımanov atyndaǵy «Qazaqfılm» AQ-nyń baspasóz qyzmetiniń habarlaýynsha, áıgili Kann jáne Berlın kınofestıvalderimen teń dárejedegi bul dodanyń bıyl negizgi jáne basqa da konkýrstyq baıqaýlaryna kórshi Reseı eliniń birde-bir fılmi ene almaǵan kórinedi. Buǵan deıin onda 18 jyl buryn, ıaǵnı 1995 jyly Dárijan Ómirbaevtyń «Kardıogramma» fılmi negizgi konkýrstyq baǵdarlamaǵa engen bolatyn.
