Serik Ahmetovtiń tóraǵalyǵymen ótetin Úkimet otyrysynda aýyl sharýashylyǵy salasyndaǵy máseleler talqylanady

ASTANA. 12 tamyz. QazAqparat - Erteń ótetin Úkimet otyrysy aýyl sharýashylyǵy salasy máselelerine arnalady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte málim boldy.

«Erteń, 13 tamyzda QR Premer-Mınıstri Serik Ahmetovtiń tóraǵalyǵymen Úkimet otyrysy ótedi. Onda 2013-2015 jyldarǵa arnalǵan agroónerkásiptik keshendi damytýǵa arnalǵan baǵdarlamasyn júzege asyrý máselesi qaralady», - dedi

QR Aýyl sharýashylyǵy mınıstri Asyljan Mamytbekov saladaǵy óńdeý sektory baǵytynda atqarylyp jatqan jumystar jaıynda baıandaıdy.

Sonymen qatar Úkimet músheleri agroónerkásiptik keshen salasyndaǵy Áleýmettik kásipkerlik korporatsııalardyń qyzmetindegi máselelerdi talqylaıdy dep kútilýde. Bul taqyryp boıynsha QR Aýyl sharýashylyǵy men QR Óńirlik damý mınıstrlikteriniń basshylary jáne óńir ákimderi sóz sóıleıdi.