Serik Ahmetov JOO-lardy túlekterdiń jumysqa ornalasýy boıynsha baǵalaýdy usyndy
ASTANA. 26 naýryz. QazAqparat - Búgin Úkimet otyrysynda QR Premer-Mınıstri Serik Ahmetov joǵary oqý oryndarynyń jumystaryn baǵalaýdyń basty ólshemi retinde olardyń túlekteriniń jumysqa ornalasýyn aıqyndady.
«Joǵary bilim berýge qatysty aıtar bolsaq, JOO-lardy baǵalaý úshin basty krıterıı túlekterdiń jumysqa ornalasýy bolýy tıis dep sanaımyn. Bul mańyzdy aspekt. Ol QR Bilim jáne ǵylym mınıstrliginiń turaqty baqylaýynda bolýy tıis. Ásirese jeke JOO-lar túlekteriniń jumysqa ornalasýy da. Soǵan sáıkes jumys berýshiniń, onyń ishinde memlekettik tapsyrys formasynda kadrlardy daıyndaý barysynda baǵalaý faktisi qajet», - dedi Úkimet basshysy.
Aıta keteıik, búgingi otyrys barysynda Bilim jáne ǵylym mınıstri Baqytjan Jumaǵulov JOO-lardy ońtaılandyrý atalǵan maqsattarǵa qol jetkizýge múmkindik beretindigin aıtqan edi. Onyń atap ótýinshe, JOO-lar sanyn qysqartý jumystarynan keıin aldaǵy 2 jylda Qazaqstanda jalpy alǵanda 100-ge jýyq JOO qalady. Osylaısha elimizdiń óńirlerinde 1 memlekettik jáne 1 iri jeke joǵary oqý orny ǵana qalady.
