Serik Ahmetov hımııa óndirisi kompanııalarynyń iri qaýymdastyǵyn qurýdy tapsyrdy

S.Ahmetov: «Máselen, 2005 jyly taý-ken salasy kompanııalarynyń qaýymdastyǵy qurylǵan bolatyn. Baıqap qarasaq, qazirgi kezde ol belsendi túrde jumys istep, tıisti sheshimderge yqpal etip keledi. Bıyl atalǵan uıym taǵy bir sezin ótkizip, taý-ken salasynyń basymdy baǵyttaryn anyqtap kórmek», - deı kele, Indýstrııa jáne jańa tehnologııalar mınıstrligine, sondaı-aq «Atameken» odaǵyna tıisti tapsyrmlar berdi.

QazAqparat tilshisine suhbat bergen «Atameken» odaǵynyń basqarma tóraǵasy Abylaı Myrzahmetov atap kórsetkendeı, qaýymdastyqty qurý jumysy bastalyp ta ketti. «30 mamyr kúni biz arnaıy keńes ótkizip, hımııa salasynda jumys istep jatqan 25 kompanııanyń basyn qosqan bolatynbyz. Buǵan deıin eki-úsh kompanııa kiretin shaǵyn uıym bolǵan. Endi, 25 kompanııa birigip, úlken qaýymdastyqtyń negizin qalaıtyn bolady», - dep atap kórsetti A.Myrzahmetov.