Serik Ahmetov Chempıondar lıgasynda jerlesterine qoldaý bildirý úshin «Astana-Arena» stadıonyna keldi
ASTANA. 30 shilde. QazAqparat - Fýtboldan ÝEFA Chempıondar lıgasynyń úshinshi irikteý kezeńiniń qaraǵandylyq «Shahter» men albandyq «Skenderbeý» arasyndaǵy oıynyn tamashalaýǵa Qazaqstannyń Úkimet basshysy Serik Ahmetov keldi, dep habarlaıdy Vesti.kz.
S. Ahmetov 2009- 2012 jyldary Qaraǵandy oblysynyń ákimi boldy. Osy kezeńde «Shahter» klýbyna kóp kómek kórsetti. S. Ahmetov tusynda kenshiler tuńǵysh ret Qazaqstan chempıony atanǵan bolatyn.
Premer-Mınıstrden basqa, «Astana-Arena» stadıonyna jerlesterin qoldaýǵa bokstan 2012 jylǵy Olımpıada chempıony Serik Sápıev te keldi.
Óz komandasyna jankúıer bolý úshin Astanaǵa arnaıy 4 myńǵa jýyq qaraǵandylyqtar kelgen. Kenshilerdiń oıyn alańy ÝEFA talaptaryna saı kelmeıtin bolǵandyqtan, match «Astana-Arena» stadıonynda ótedi.
Esterińizge sala keteıik, «Shahter» týrnırdiń aldyńǵy oıynynda belorýssııalyq BATE komandasyn sensatsııalyq jaǵdaıda utqan bolatyn. Al «Skenderbeý» de oılamaǵan jerden Bakýdiń «Neftchı» klýbyn san soqtyrdy. Básekelesterdiń arasyndaǵy jaýapty match 6 tamyz kúni Tıranada ótedi.
