Serik Ahmetov Ádilet mınıstrligine 2014 jylǵa arnalǵan zań jobalyq jospardy ýaqytyly qamtamasyz etýdi tapsyrdy
ASTANA. 24 jeltoqsan. QazAqparat - Premer-Mınıstr Serik Ahmetov QR Ádilet mınıstrligine aldaǵy jylǵa negizdelgen Úkimettiń zań jobalyq josparyn sapaly ári ýaqytyly qamtamasyz etýin tapsyrdy. Bul tapsyrmany ol búgin Úkimet otyrysy barysynda júktedi.
«Memlekettik organdar qyzmetin úılestirýdi kúsheıtý kerek. Mınıstrler men memorgandardyń birinshi basshylary kemshilikterdi joıýdy jeke baqylaýyna alýy tıis»,-dep atap ótti S. Ahmetov.
Osy oraıda Úkimet basshysy bıyl zań jobalarynyń sapasy men ázirleý merzimine qatysty syn aıtylǵan sátterdiń bolǵanyn eskerip ótti.
«Sondyqtan da sizderdiń nazarlaryńyzdy zań shyǵarýshylyq qyzmettiń jáne boljamdy-saraptamalyq jumystyń úılestirý máselesine aýdaramyn»,-dedi Premer-Mınıstr.
