Serik Ábdýálıev «Ekibastuz» fýtbol komandasynyń bas bapkeri bolyp keldi
PAVLODAR. QazAqparat – 53 jastaǵy qazaqstandyq bapker Serik Ábdýálıev «Ekibastuz» fýtbol komandasynyń bas bapkeri atandy, dep habarlaıdy QazAqparat tilshisi KazFootball.kz saıtyna silteme jasap.
Ótken maýsymda ol «Altaı» komandasyndaǵy Sergeı Tımofeevtiń kómekshisi bolǵan edi.
Buryn tanymal fýtbol maıtalmany bolǵan maman «Ertis», «Qaırat», «Jetisý», «Qaısar-Harrıkeın», «Shahter-Ispat-Karmet» jáne «Kókshe» komandalarynyń sapynda dop tepken. Bapker retinde «Qaıratta», «Lokomotıv», «Ertis», «Jetisý», «Dostyq» (Almaty), «Oqjetpes», «Rýzaevka» komandalary men Qazaqstannyń jastar quramasynda jumys istegen.
Ótken maýsymda «Ekibastuzdy» úsh maman jattyqtyrǵan edi. Maýsymda Asqar Qojabergenov bastasa, ortasynda bas bapker mindetin atqarýshy bolyp Danııar Óteýlov keldi. Al jyldy «Ekibastuz» Nıkolaı Kýrganskıımen aıaqtady.
