Serik Ábdenov Biryńǵaı zeınetaqy jınaqtaýshy qoryn qurýdyń nátıjesi qandaı bolatyndyǵynan habardar etti
Elbasy Biryńǵaı zeınetaqy jınaqtaý qoryn qurý jóninde tapsyrma bergenine toqtalǵan mınıstr, «bul turǵyda qandaı nátıjege qol jetkizemiz degen máseleni kóterer bolsaq, eń bastysy árbir jeke zeınetaqy jınaqtaý esep-shoty baqylaýǵa alynady, salymshylar bazasynyń ashyqtyǵy belgilenedi, ekinshiden ınvestıtsııalyq tabystyń jetkiliktiligi boıynsha máselelerge taldaý qastamasyz etiledi»,-dedi.
Onyń sózine qaraǵanda, sonymen qatar jalpy azamattardyń salyp jatqan jınaqtaý qoryndaǵy qarajattyń tıimdiligi belgilenedi.
Vedomstvo basshysy salymshylardyń qarjysyn ınvestıtsııalaý boıynsha birqatar nusqalarǵa toqtala kele, jaqynda zeınetaqy jınaqtaýshy qory qarjysyn shaǵyn jáne orta bıznesti damytýǵa, sondaı-aq ınfraqurylymdyq jobalarǵa ınvestıtsııalaý týraly bastamalar kóterilgendigin eske salyp ótti.
Sóz sońynda, S. Ábdenov Biryńǵaı zeınetaqy jınaqtaýshy qoryn qurý turǵysynda barlyq taraptardyń usynystary eskeriletinin jetkizdi.
