Serhıo Mora Gennadıı Golovkınmen jaqsy gonorar úshin judyryqtasýǵa daıyn
ASTANA. QazAqparat - Serhıo Mora Gennadıı Golovkınmen jekpe-jekke shyqqysy keletinin aıtty. Onyń oıynsha, Golovkın - orta salmaqtaǵy bokshylar arasyndaǵy eń myqtysy, dep jazady Vesti.kz.
Aıta keteıik, Mora Golovkındi jekpe-jekke buǵan deıin de shaqyrǵan bolatyn.
«Meniń oıymsha, Rýbıo artyq salmaq qosqanyna baılanysty 100 myń AQSh dollary kóleminde aıyppul tólegenin eskersek, shamamen 600 myń AQSh dollaryn aldy. Kertıs Stıvenske 300 myń, al Gılge 600 myń berildi. Eger men de osyndaı gonorarǵa kelisken jaǵdaıda, bizdiń kezdesý Golovkın Mıýrreıdi nakaýtqa jibergennen keıin bolady. Jekpe-jek quny 500, 600, 700 myń kóleminde bolatyn shyǵar. Sebebi, bul - jaqsy baǵa. Al 100, 200 myń bolǵan jaǵdaıda, Denıel Djeıkobs, Djermen Teılor syndy boksshylarmen kezdeskendi qalar edim», - deıdi ol. .
Esterińizge sala keteıik, 21 aqpan kúni Monakoda Golovkın men Martın Mıýrreı arasynda kezdesý ótedi. Qazaqstandyq boksshy úshin bul kezdesý 32-shi bolmaq. Osyǵan deıingi barlyq jekpe-jekterinde jeńiske jetken bolatyn. 28 kezdesýdiń 18-in merziminen buryn aıaqtaǵan. Al brıtandyq boksshy 29 ret jeńis tuǵyryna kóterilgen (12-sin merziminen buryn aıaqtaǵan), 1 ret jeiliske ushyrap, 1 ret teń túsken.
