Sergeı Mavrodı Belarýstegi ınflıatsııany toqtatýǵa nıetti
ASTANA. 13 mamyr. QazAqparat - MMM-niń negizin qalaýshy Sergeı Mavrodı Aleksandr Lýkashenkoǵa halyqtyń artyq aqshasynyń basyn biriktirý úshin Belarýstiń barlyq óńirine qarjy pıramıdasy fılıaldaryn ashýdy usyndy,
dep habarlaıdy RSN.
«Tyǵyryqtan shyǵýdyń óte qarapaıym joly bar. Belarýste MMM-ge ruqsat berińiz. Sosyn men bir aıdyń ishinde Belarýs rýbliniń quldyraýyn toqtatyp beremin», - dep ýáde berdi Mavrodı.
Qarjy pıramıdasyn qurý tóńiregindegi janjaldarmen aty shyqqan Mavrodı Belarýs elindegi ekonomıkalyq daǵdarysty kásibı qarjygerler áreketi týyndatyp otyrǵanyna senimdi kórinedi. Búginge deıin eshteńe isteı almaǵan olar, aldaǵy ýaqytta da birdeńe tyndyrady dep aıtý qıyn degen pikirde. «Bundaı jaǵdaıda standartty sharalardan bas tartyp, basqa, máselen MMM sııaqty joldardy izdeý kerek», - deıdi ol.
