Sergeı Lavrov Murat Nurtileýge qońyraý shaldy
ASTANA. KAZINFORM – Reseı tarapynyń bastamasymen Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Reseı Federatsııasynyń Syrtqy ister mınıstri Sergeı Lavrovpen telefon arqyly sóılesti. Bul týraly QR SІM málim etti.

— Mınıstrler memleket basshylarynyń tapsyrmalaryn ýaqytyly iske asyrýǵa basa nazar aýdara otyryp, 2024 jylǵy ekijaqty ózara is-qımyldy qorytyndylady, sondaı-aq bıik jáne joǵary deńgeıdegi aldaǵy is-sharalar kestesin qarastyrdy. Taraptar Qazaqstan-Reseı qatynastarynyń damý dınamıkasyn joǵary baǵalady jáne túrli salalardaǵy strategııalyq seriktestikti nyǵaıtý josparlaryn talqylady, — delingen habarlamada.
Sonymen qatar halyqaralyq kún tártibi men kópjaqty formattaǵy yntymaqtastyqtyń ózekti máseleleri boıynsha pikir almasý ótti.
Eske sala keteıik, buǵan deıin Syrtqy ister mınıstrliginen 11 fýnktsııa alynyp tastalǵanyn jazǵan bolatynbyz.