Sergeı Lavrov QR Prezıdentiniń bilimpazdyǵyn, shetel tili men halyqaralyq problemalardy jetik biletindigin atady

NUR-SULTAN. QazAqparat – Reseı Syrtqy ister mınıstri Sergeı Lavrov Qazaqstan Prezıdentiniń joǵary bilimpazdyǵyn, shetel tilderin jáne halyqaralyq problemalardy jetik biletindigin atap ótti, dep habarlaıdy QazAqparat tilshisi.

Sergeı Lavrov Qazaqstan Prezıdenti Qasym-Jomart Toqaev týraly «Eńserý» derekti fılmi barysynda Memleket basshysynyń dıplomatııalyq jáne saıası qasıetine, onyń jumys isteý qabileti men parasattylyǵyna qatysty oıymen bólisti.

«Árıne, eń aldymen bul – óziniń paryzyna, halqyna, Otanyna barynsha berilgendik. Bul ázil emes. Bul asyra aıtqan sóz de emes. Qasym-Jomart Kemelulyn tanıtyndardyń barlyǵy da onyń osyndaı joǵary qasıetterin atap ótedi. Ekinshiden – joǵary bilimpazdyǵy, shetel tilderi men halyqaralyq problemalardy jetik bilý jáne eń bastysy óz eli tamasha biliminiń bolýy», - dedi Sergeı Lavrov.