Sergeı Lavrov: Bastysy - tálipterdiń ýádelerin oryndaýy
«NATO-lyqtardyń merziminen buryn ketip qalýy aýǵan qarama-qaıshylyǵyn odan ary ýshyqtyryp jiberdi. Elde óte kóp qarý-jaraq pen áskerı tehnıka qalyp otyr. Al olardyń destrýktıvti maqsatta qoldanylmaýy óte mańyzdy. Tálipter esirtki trafıgimen jáne lańkestikpen kúresýge nıetti ekenin, kórshi memleketterde turaqsyzdyqtyń oryn alýyna sebepker bolmaıtynyn, ınklıýzıvti Úkimet qurýǵa tyrysatynyn málimdedi. Eń bastysy osy ýádelerdiń oryndalýy», - dedi Sergeı Lavrov AÓІSShK Syrtqy ister mınıstrleriniń 6-kezdesýinde.
Buǵan deıin AÓІSShK hatshylyǵynyń atqarýshy dırektory Qaırat Sarybaı kezdesýge kelgen delegatsııa basshylary Aýǵanstandaǵy ahýal ózderin qatty alańdatatyndyǵyn aıtqandyǵyn habarlaǵan edik.
«Kóshpeli kezeń qalaı tezirek aıaqtalsa, Aýǵanstan soǵurlym jyldam óńiraralyq protsesterge, ózara baılanys protsesterine qosylady. Sol arqyly eldiń órkendeý jolyna túskendigin erterek atap ótýge múmkindik týady», - dedi Qaırat Sarybaı.