Sergeı Kýlagın Zerendi aýdanynyń egistik alqaptaryn aralap kórdi
KÓKShETAÝ. QazAqparat - Aqmola oblysynyń ákimi Sergeı Kýlagın kezekti jumys saparymen Zerendi aýdanynda bolyp, jergilikti aýyl sharýashylyǵy qurylymdarynyń egistik alqaptaryn aralap kórdi. Bul týraly oblys ákiminiń baspasóz qyzmetinen habaraldy.
Oblys basshysy «Hımık», «Qazekspo» jáne «Senim jer» jaýapkershiligi shekteýli seriktestikteriniń egistik alqaptarynyń basynda boldy. Sharýashylyqtardyń basshylarymen kezdesken oblys ákimi kúzgi egin oraǵyna daıyndyq jumystaryn pysyqtap, naýqandy oıdaǵydaı ótkizýge sáttilik tiledi.
Jalpy, bıylǵy jyly Zerendi aýdanynyń dıqandary 181 602,3 gektarǵa dándi jáne dándi burshaq daqyldaryn sepken. Onyń ishinde 50 905,1 gektary maıly daqyldar, 1 687,6 gektary kartop, 382 gektary kókónis jáne 13 476 gektary mal azyǵyn quraıdy. 
