Sergeı Gromov qyrǵyz tarapymen elimizdiń ońtústik óńirine sý berý máselesin talqylady
Sapar barysynda vıtse-mınıstr Qyrǵyzstan úkimetiniń basshysy Mýhametkaly Abýlgazıevpen Jambyl jəne Túrkistan oblysy aýyl sharýashylyǵy taýarlaryn óndirýshilerdi sýmen qamtamasyz etý məselesin talqylady. Bul týraly mınıstrliktiń Facebook -paraqshasynan málim boldy.
«Áńgime barysynda vıtse-mınıstr Qazaqstan men Qyrǵyzstannyń arasyndaǵy Toktogýl sý qoımasynyń tolýyn jaqsartýǵa arnalǵan elektr energııasyn almasý kestesiniń oryndalmaýy məselesin kóterdi. Osyǵan baılanysty ol ótken jyldar təjirıbesi boıynsha jańa keste jasaýdy usyndy. Budan basqa, S.Gromov kezdesýde Shý ózenindegi sý sharýashylyǵy ahýalyn sóz etti.
2019 jylǵy vegetatsııalyq kezeńde Shý ózeninde qazaqstandyq tarap belgilengen kólemniń 64%-in ǵana alǵan. Bizdiń aımaqtyq sý sharýashylyǵy uıymdaryna 2020 jylǵy vegetatsııalyq kezeńde Shý men Talas ózenderindegi memleketaralyq paıdalanýdaǵy sý sharýashylyǵy nysandarynan sý berý kestesin əzirlep, kelisýdi tapsyrýdy usynamyn», - dedi vıtse-mınıstr kezdesý barysynda.
Taraptar sondaı-aq Shý ózeninde ornalasqan memleketaralyq paıdalanýdaǵy nysandardy jóndeý jumystaryn oryndaý məselesin kelisti.
