Sergeı Gromov Frantsııa Ulttyq assambleıasynyń delegatsııasymen kezdesti
NUR-SULTAN. QazAqparat - Qazaqstan Parlamenti Senaty Tóraǵasynyń orynbasary Sergeı Gromov Frantsýz Respýblıkasy Ulttyq assambleıasyndaǵy «Frantsııa-Qazaqstan» dostyq tobynyń tóraǵasy T.Kabare bastaǵan depýtattardy jáne baıqaýshylar delegatsııasyn qabyldady. Bul jóninde Senattyń baspasóz qyzmetine silteme jasap QazAqparat habarlaıdy.
S.Gromov saılaýdy baıqaý barysynda shet memleketterdiń, halyqaralyq uıymdar men buqaralyq aqparat quraldary ókilderiniń róli óte joǵary ekenin atap ótti.
«Bul saıası oqıǵanyń barynsha kóp sheteldik baıqaýshylardyń qatysýymen ótkeni biz úshin mańyzdy boldy», - dedi tóraǵa orynbasary.
P.Kabare táýelsiz Qazaqstannyń qalyptasýy, Qazaqstan men Frantsııa arasyndaǵy dostyq qatynastardy damytýǵa Elbasy N.Nazarbaevtyń qosqan úlesin joǵary baǵalady.
«Saılaý ýchaskelerinde bolǵan kezde biz saılaý ashyq ári tynysh jaǵdaıynda ótkenine kýá boldyq», - dedi halyqaralyq baıqaýshy.
Ol Qazaqstanda syrtqy saıası baǵyttyń sabaqtastyǵy saqtalyp, Qazaqstannyń Tuńǵysh Prezıdenti bastaǵan barlyq reformalar jalǵasatynyna senim bildirdi.
Taraptar eki eldiń parlamentaralyq ózara is-qımylynyń, saýda-ekonomıkalyq jáne mádenı-gýmanıtarlyq áriptestiginiń ózekti máselelerin talqylady. P.Kabare qazirgi kezde qazaqstandyq ushqyshtardy Týlýzanyń azamattyq avıatsııa ýnıversıtetinde oqytý máselesi sheshilip jatqanyn habarlady.
