Sergeı Emelıanov 10 dúrkin Azııa chempıony atandy
ASTANA. KAZINFORM — Qytaıdyń Nanchan qalasynda ótip jatqan baıdarka men kanoede eskek esýden Azııa chempıonatynda Sergeı Emelıanov top jardy.
QR Týrızm jáne sport mınıstrligi Sportty damytý dırektsııasynyń habarlaýynsha, kanoe sportynan 500 metrde juptasyp jarysta Rýfına Iskakova ekeýi máre syzyǵyn alǵashqy bolyp qıdy.
Aıta ketsek, byltyr Japonııa astanasy Tokıo qalasynda ótken lıtsenzııalyq qurlyq chempıonatynda Sergeı men Rýfına atalǵan qashyqtyqta jeńis tuǵyryna kóterilgen edi.
Osylaısha Sergeı Emelıanov óz mansabynda onynshy márte qurlyqtyq dodanyń jeńimpazy atanyp otyr.
Qazirge deıin bıylǵy qurlyqtyq dodada qazaqstandyq sportshylar eki altyn alyp úlgerdi. Baıdarkamen 500 metr qashyqtyqtaǵy jarysta Olga Shmeleva men Artem Tereşenko chempıon atansa, Olga Shmeleva áriptesi Irına Podoınıkovamen birge baıdarkamen juptyq synda 500 metrge jarysta dál sondaı jetistikti baǵyndyrdy.
Sondaı-aq el quramasy qorjynynda Qazirge deıin el quramasynan baıdarkamen jarysta Stella Sýhanova, Bekarys Ramatýlla ekinshi orynǵa turaqtady. Kanoede 500 metrge eskek esýde qazaqstandyq sportshylar úzdik úshtikti túıindedi.