Sergeı Tsyrýlnıkov Vortex Sport Battle týrnırinde jeńiske jetti
KÓKShETAÝ. QazAqparat - Aqmolalyq alyp kúsh ıesi Sergeı Tsyrýlnıkov Sankt-Peterbýrg qalasynda ótken Vortex Sport Battle 7 búkilreseılik kásibı týrnırinde jeńiske jetti, dep habarlaıdy QazAqparat tilshisi QR Qorǵanys mınıstrliginiń baspasóz qyzmetine silteme jasap.
Týrnırge sporttyń barlyq túrlerinen myqty atletter, chempıondar men rekordshylar qatysyp, ózara kúsh synasty.
Týrnırdiń 7-shi maýsymynda áskerı ortalyq sport klýbynyń sportshylary aýyr sport túrlerinen Reseıdiń alyp kúsh ıesi, Reseı Federatsııasynyń túrt dúrkin rekordshysy Mıhaıl Savınmen tartysty.
«Halyqaralyq Vortex Sport jobasy sport túrlerin nasıhattaý, buqaralyq jáne jeke sporttyq jarystardy biriktirý, joǵary sapaly vıdeo túsirý, sport ónimderin ázirleý maqsatynda quryldy», - dep atap ótti TsSKA ókilderi.
Eske sala keteıik, Sergeı Tsyrýlnıkov - Aqmola oblysy Shortandy aýdanynyń týmasy. Halqymyzdyń ataqty palýandary Qajymuqan men Balýan Sholaqtyń izin jalǵaýshy. Álemniń 4 dúrkin chempıony, Gınnestiń rekordtar kitabynyń jáne Qazaqstannyń 5 dúrkin rekordshysy. Voleıbol, paýerlıftıngten sport sheberi, kir tasyn kóterýden sport sheberine úmitker. Salmaǵy 148 tonna bolatyn vagondarymen birgen teplovozdy birneshe metrge súıregen.
