«Sergek» júrgizýshi kýáliginen aıyrylǵandardyń kóligin jolda birden anyqtaıdy

NUR-SULTAN. QazAqparat - Elorda joldaryndaǵy qaýipsizdikti arttyrý maqsatynda beınejazba fýnktsııasy keńeıtildi. Júrgizýshi kýáliginen aıyrylǵandardyń kóliginiń nómiri júıege engiziledi. Bul týraly Nur-Sultan qalasy ákiminiń orynbasary Málıka Bekturova Telegram-daǵy paraqshasynda jazdy, dep habarlaıdy QazAqparat.

«Eger joldardaǵy kamera sońdaı kólikti anyqtasa, onda olardyń qozǵalysy týraly aqparat birden polıtsııa qyzmetkerine túsedi. Júıeniń múmkindigi aǵynnan «qaýipti avtokólikti» jaqyn mańdaǵy polıtsııa beketinen 3-6 km qashyqtyqta anyqtaýǵa múmkindik beredi. Ári qaraı, osyndaı júrgizýshiniń baǵytyn birneshe sekýndqa deıin esepteýge bolady», dedi Málıka Bekturova.
Onyń aıtýynsha, eki aptadan astam ýaqyt ishinde elordalyq polıtsııa alkogol nemese esirtkige mas kúıinde kólik júrgizgeni úshin 108 adamdy jaýapqa tartty. Olardyń 9-y buryn jol erejesin buzǵan úshin júrgizýshi kýáliginen aıyrylǵan.