«Sergek» jumysyna tuman men jaýyn áser etpeıdi
ALMATY. QazAqparat - «Sergek» kameralaryna aýa raıynyń qolaısyzdyǵy áser etpeıdi, bul týraly «Kórkem Telekom» JShS jobalardy basqarý jónindegi dırektory Bıbigúl Aıtókenova aıtty, dep habarlaıdy QazAqparat tilshisi.
«Kameralar adamnyń kózi jetetin dúnıeniń barlyǵyn kóredi. «Sergek» jumysyna aýa raıynyń qolaısyzdyǵy áser etpeıdi. Jaýyn jaýyp, tuman túskende de bárin kóredi», – deıdi Bıbigúl Aıtókenova.
Onyń aıtýynsha, kameralar quzyrly organmen kelisilgen negizgi zańbuzýshylyqtardy tirkeıdi.
«Bul – jyldamdyqty asyrý, baǵdarshamnyń qyzyl túsine ótý, jol belgileri men jolaqtardy elemeý, kólikti toqtatý jáne kólik quraldaryn turaqqa qoıý, sondaı-aq qoǵamdyq kólikke arnalǵan jolmen júrý derekteri»,- dep qosty ol.
