«Sergek» jol-kólik oqıǵalaryn 16% tómendetti

ASTANA. QazAqparat - Elordada «Sergek» júıesin paıdalaný arqyly jol-kólik oqıǵalary 16  paıyzǵa tómendetildi. Bul týraly búgin Májilistegi «Tsıfrlyq Qazaqstan» memlekettik baǵdarlamasyna arnalǵan Úkimet saǵatynda QR Aqparat jáne kommýnıkatsııalar mınıstri Dáýren Abaev aıtty, dep habarlaıdy QazAqparat tilshisi.

«McKinsey sarapshylary 2020 jyly álemdegi smart qalalardyń sany 600-ge jetedi degen boljam jasady. Al taǵy 5 jyl ótkende ol shaharlarda Іshki jalpy ónimniń 60 paıyzy óndiriledi. Keıbir elderdiń halyqaralyq tájirebıesine súıene otyryp, biz ózimizdiń aqyldy qalalar qurýdyń tujyrymdamasyn jasadyq. Bul boıynsha 5 negizgi baǵyt belgilendi: Bilim, densaýlyq saqtaý, qaýipsizdik, kólik jáne turǵyn-úı kommýnaldyq sharýashylyq», - dedi ol. 

Mınıstrdiń aıtýynsha, qazirgi kúni elimizdiń barlyq oblystarynyń jáne Astana, Almaty men Shymkent qalalarynyń ákimdikteri osy salalar boıynsha jobalardy júzege asyryp jatyr.   

«Mysaly, Astanada «Sergek» júıesin paıdalaný arqyly jol-kólik oqıǵalary 16  paıyzǵa tómendetildi.  Turǵyn-úı kommýnaldyq sharýashylyq salasy boıynsha Almatyda qala kóshelerin aqyldy jaryqtandyrý júıesi elektr qýatyn 40 paıyzǵa únemdegen. Elimizdiń barlyq aımaǵynda mektepke deıingi bilim berý mekemelerinde balany qabyldaý úrdisi avtomattandyrylǵan», - dedi Dáýren Abaev.