Bıyl Almaty men oblys arasynda jańa 12 avtobýs marshrýty uıymdastyrylady

ALMATY. KAZINFORM — Almaty aglomeratsııasy aıasynda qala men oblys arasynda avtobýs baǵyttary kóbeıip keledi.

автобусы
Фото: Алматы әкімдігі

Almaty qalasy Mobıldilik basqarmasynyń málimetinshe, 2023 jyly 12 qala mańy baǵyty, 2024 jyly 20 qala mańy baǵyty iske qosylǵan. Bıyl basqarma oblys ákimdigimen birlese otyryp taǵy 12 jańa marshrýt uıymdastyrýdy josparlap otyr.

— Jańa marshrýttardyń qozǵalys shemalary Almaty oblysynyń ákimdigimen birlesip belgilenedi. Búgingi tańda qala mańyna 54 baǵyt boıynsha 600-den astam avtobýs qatynaıdy. Kún saıyn bul qoǵamdyq kóliktermen 360 myń adam jol júredi, — dep habarlady basqarmadan.

Aıta ketken jón, Almaty oblysynyń aýmaǵynda qazirgi ýaqytta 141 avtobýs baǵyty uıymdastyrylǵan. Onyń ishinde 31 — oblysaralyq jáne aýdanaralyq baǵyt, 53 — aýdanishilik baǵyt jáne qalǵany qala mańy baǵyttary. 2023 jyly jańa 12 oblystyq baǵyt, 2024 jyly 19 oblystyq marshrýt iske qosylǵan.

Eske salaıyq, buǵan deıin Almatyda túngi ýaqytta polıtsııa qyzmetkerlerinen qashqan kólik ustalǵanyn jazǵanbyz.

Сейчас читают