«Sergek» kamerasy 13 kúnde 3435 quqyq buzýshylyqty anyqtady
ASTANA. QazAqparat - «Sergek» kamerasy 13 kúnde 3435 quqyq buzýshylyqty anyqtady. Onyń ishinde myńǵa jýyǵy jol qozǵalysy erejelerine qatysty buzylǵan, dep habarlaıdy elorda ákimdiginiń medıa ortalyǵy.
Astanada qazan aıynan bastap «Sergek» beınebaqylaý júıesi kamerasynyń kómegimen 3435 ákimshilik quqyq buzýshylyq anyqtaldy, dep habarlaıdy medıa ortalyqtyń tilshisine qalalyq ІІD baspasóz qyzmeti.
Onyń ishinde 1 myńǵa jýyǵy jol qozǵalysy erejelerin buzý faktisi, 345-i qoǵamdyq oryndarda kıiligip tıisý, 299 qoǵamdyq oryndarda alkogoldi ishimdikter ishken, júzge jýyǵy kishigirim buzaqylyq, 1720 - basqa quqyq buzýshylyqtar.
«Aıdyń basynda beınebaqylaý kamerasynyń kómegimen «Ramstor» sýpermarketiniń mańaıyndaǵy kópirdiń arkasyna úsh jigittiń shyqpaq bolǵanyn baıqadyq. Polıtseıler kámelet jasyna tolmaǵan (13 jasar) úsheýdi anyqtap, jasóspirimdermen sóılesý úshin olardy «Saryarqa» aýdandyq ІІB jetkizdi. Olarmen profılaktıkalyq áńgime júrgizildi», - deıdi polıtsııadaǵylar.
Budan basqa, ІІD basqarmasynyń jedel basqarý ortalyǵynyń beınebaqylaý kamerasynyń kómegimen 24 qylmystyq quqyq buzýshylyq anyqtaldy, onyń ishinde buzaqylyq, bótenniń múlkin urlaý, tonaý oqıǵalary tirkelgen.
