«Sergek» kameralarynyń kómegimen Atyraýda úsh aıda 97 qylmys ashyldy
ATYRAÝ. QazAqparat – Atyraýda «Sergek» kameralarynyń kómegimen úsh aıda 97 qylmys ashylǵan, dep habarlaıdy QazAqparat.
Oblys ákimi baspasóz qyzmetiniń málimetine súıensek, Atyraý qalasynda «Sergek» beınebaqylaý júıesiniń 2 748 kamerasy ornatylǵan.
«Bıylǵy jyldyń eki aıynda «Sergek» beınebaqylaý kamerasy arqyly 21 578 ereje buzý deregi anyqtaldy. Al sáýir aıynyń 13 kúninde jol qozǵalysy erejelerin buzýǵa qatysty 6 394 fakti tirkelgen. Onyń ishinde jyldamdyqty arttyrǵandar sany – 4 244. Jyl basynan beri beınekameralardyń kómegimen 97 qylmys izi sýymaı ashyldy», - dep málim etti ákimdiktiń baspasóz qyzmetinen.
Qazir oblysta 3500-den astam beınekamera ornatylǵan. Onyń ishinde 750 beınebaqylaý kamerasy ıntegratsııalanǵan.
