«Sergek» kameralary kómegimen 14 mln teńge aıyppul salynǵan
ASTANA. QazAqparat - «Sergek» kameralary 2 myńǵa jýyq ákimshilik quqyq buzýshylyqty ashýǵa múmkindik berdi, dep habarlaıdy QazAqparat Astana qalasy ákimdiginiń saıtyna silteme jasap.
Kameralar kómegimen salynǵan aıyppuldyń somasy 14 mln teńgeni quraǵan. «Búginde iKomek qalalyq jedel monıtorıng jáne den qoıý ortalyǵy, bas qaladaǵy ómir súrý deńgeıin jaqsartý maqsatynda, tek júıeli máselelerdi sheship qana qoımaı, sonymen qatar, qala turǵyndary men qonaqtarynyń qaýipsizdigin de qamtamasyz etýde. Mysaly, birinshi jarty jyldyqta ortalyqtyń operatorlary beıne tirkeýshi kameralar kómegimen 2 myńǵa taıaý ákimshilik quqyq buzýshylyqty anyqtaǵan», - delingen habarlamada.
Naqtylaı ketsek, ishimdik ishý jáne qoǵamdyq oryndarǵa mas júrýge qatysty 1 830 oqıǵa (QR ÁQBTK-niń 441-bap), qoǵamdyq oryndarda temeki tartýǵa qatysty 111 oqıǵa tirkelgen (QR ÁQBTK-niń 441-bap).
